လင်းတို့ ဘောလုံးကန်ခဲ့ကြတုန်းက

လင်းတို့ရဲ့ ငယ်ဘ၀က တော်တော်လေးကို ပျော်ဖို့ကောင်းပါတယ်။ လင်းက ငယ်ငယ်တည်းက ကိုယ့်ထက် အသက် ၅ နှစ်လောက်ကြီးသူတွေနဲ့ သူငယ်ချင်းလို အစ်ကိုတွေလိုပေါင်းခဲ့ရတာ။ ဘာလို့လည်းဆိုတော့ လင်းရဲ့ အစ်ကိုက လင်းထက် ၅ နှစ်ကြီးတယ်ဆိုတော့ သူ့ရဲ့ သူငယ်ချင်းတွေ က လင်းရဲ့ သူငယ်ချင်းတွေလို ဖြစ်ကုန်တာ။ လင်းငယ်ငယ်က တော်ရုံ တန်ရုံ ကလေးကစားနည်းတွေ ကစားတာ နည်းခဲ့တယ်။ လူကြီး တွေနဲ့ ပေါင်း လူကြီးကစားနည်းတွေ ဆော့ပေါ့။ ဥပမာ ဘောလုံးကန်တာတို့ ဘာတို့ပေါ့လေ။ လင်းတို့ ဘောလုံးကန်တယ် ဆိုတာက အိမ်ရှေ့မှာ ကွင်းသေးကန်ကြတာပေါ့နော်။ ဒါပေမဲ့ စနေနေ့တိုင်းကတော့ တက္ကသိုလ် ကွင်းထဲမှာ လူစုပြီး အသင်းနည်းပြကြီးဖြစ်တဲ့ အမေက ကားနဲ့ လိုက်ပို့တယ် အားလုံးကို။ ပွဲမပြီးခင် အထိလည်း လိုက်ပြီး စောင့်နေပေးတယ်။ အအေး မုန့် စသည်ဖြင့် အမောဖြေဖို့လည်း လုပ်ပေးတယ်။ လင်းတို့ ရဲ့ အိမ်ရှေ့မှာ PMG သောက်ရေသန့် နဲ့ အရက် စက်ရုံရဲ့ ပင်မ ရုံခန်းကြီးရှိတယ်။ မနက်မိုးလင်းတာနဲ့ လမ်းပေါ်မှာ သူတို့ ရဲ့ ကားတွေ ရုံးလာတဲ့ လူတွေ အပြည့်ပေါ့။ လင်းတို့ ရဲ့ ဘောလုံး အသင်းအဖွဲ့ကြီးကလည်း တစ်လမ်းထဲမှာ နေတဲ့ လူတွေ များတော့ အကုန်လုံးက မိုးလင်း အိပ်ရာကနိုးတာနဲ့ တွေ့ကြပြီး ရုံးလာတဲ့ စာရေးမချောချော လေးတွေကို ငမ်းကြတယ်။ တချို့ ဆို လိုက်ကြောင်တာတွေ ဘာတွေတောင်ရှိတယ်။ လင်းရဲ့ အစ်ကို လည်း တစ်ယောက် အပါအ၀င်ပေါ့လေ။ လင်းကတော့ ငယ်သေးတာကိုး။ ဒါတွေဘယ်လုပ် မလည်း ဟုတ်ပါတယ်နော်။ (ဟုတ်ပါတယ်)။ လင်းတို့ အဖွဲမှာ အခု မလေးရောက်နေတဲ့ ရင်ဘတ်ကြီး ဘလော့ကိုလုပ်နေတဲ့ ကိုသီဟဇော်( ဘာကြောင့်လည်းတော့ မသိဘူး အားလုံးကသူ့ကို မြန်မာမှတုန်းက ဥက္ကဌ လို့ခေါ်ကြတယ်) တို့ လည်း ပါတယ်။ တော်တော်လေးကို ပျော်ဖို့ကောင်းပြီး အမှတ်ရဖို့ကောင်းတဲ့ နေ့ရက်တွေပေါ့။ ထားပါ ပို့စ်လေးကို ဆက်ရေးဦးမယ်။ လင်းတို့ ညနေတိုင်းလမ်းထဲမှာ ကန်တော့ တခါတလေ တော်တော်လေးကို ဒေါသ ထွက်ဖို့ ကောင်းတဲ့ ကိစ္စတွေရှိတယ်။ PMG က ကားတွေက လင်းတို့ ဘောလုံးကန်နေပြီ ဆို လာလာပြီး Parking လုပ်တာဆိုးတယ်။ အားလုံးက ဒေါသတွေထွက်ကြ ဘောလုံးနဲ့ ကားရဲ့ Body တွေကို ကန်ကြ။ ကားမောင်းတဲ့ လူတွေနဲ့ စပယ်ယာလုပ်တဲ့ လူတွေလည်း သိပါတယ်။ လာလာ တောင်းပန်ကြတယ်။ လင်းတို့ ကတော့ တမင်ကို လုပ်တာပဲ။ နောက်ပိုင်းကျတော့ အမေက သူတို့ရဲ့ မန်နေဂျာကို သွားပြောရော။ အဲ့ကြတော့ မှ သူတို့ ကားတွေရပ်တာကို နေရာပြောင်းသွားတာ။ တစ်ခါကျတော့ လင်းတို့ ညနေဘက်ကြီး ဘောလုံးကန်နေတုန်း သူတို့ ရုံးလွှတ်ချိန် မို့ ရုံးဆင်းကြရော။ မမလှလှ တွေလည်း ပါတာပေါ့လေ။ လင်းတို့ ကတော့ ကန်တာပဲ။ အသားကုန် ဘာလို့ လည်းဆိုတော့ အအေး တစ်လုံးခြင်းကန် ကြတာကိုး။ ကန်နေရင်းနဲ့ အားပါပြီး ကန်လိုက်ကြတာ ရုံးဆင်းလာတဲ့ မမလှလှတစ်ယောက်ရဲ့ ဖင်တည့်တည့်ကို မှန်သွားပါလေရော။ သွားပြီလို့ သိလိုက်တယ်။ မမလှလှ ဖင်မှာ အကွက်ကြီးဖြစ်သွားတာကိုး။ ဟီးဟီး။ အားလုံးလည်း ကြောက်ပြီး အသားကုန်တောင်းပန်ကြတာပေါ့။ အစ်မရယ် ဆော်ရီးပါ ဘာညာပေါ့လေ။ တော်သေးပါတယ်။ မမလှလှကလည်း သဘောကောင်းတော့ ကျေအေးပေးလို့ပေါ့။ နို့မို့ဆို ကွိုင်ဇယားလေ။ အဲ့ဒီနောက်ပိုင်း အမေက ဘောလုံးကန်ပြီဆို အိမ်ရှေ့ထွက်ထိုင်ပြီး ကလေးတွေ လူလာနေပြီ ရပ်ဆိုပြီး အော်တဲ့ အလုပ်တစ်ခုတိုးသွားရော။

လင်းတို့ စနေနေ့တိုင်း ကွင်းကြီးကန်တဲ့ အခါမှာတော့ အားလုံး နေပူကြီးထဲမှာ အပျော်ပါပဲ ကန်ကြတာ။ နောက်ပြီး အားလုံးက လည်း အချင်းချင်းဆိုတော့ အေးဆေးပဲကန်ကြတာ။ လင်းတို့ အဖွဲထဲမှာ လူတစ်ယောက်ပါတယ် စိုးမိုးတဲ့ သူ့နာမည်က သူလည်း အခု မလေးမှာပါပဲ။ အကုန်လုံး တစ်ကွဲတစ်ပြားစီတွေ ဖြစ်လို့ လင်းတို့ ကွင်းကြီးကန်ရင်တော့ လင်းရဲ့ အခင်းဆုံး သူငယ်ချင်း ဖြစ်တဲ့ ပြည့်ဖြိုးအောင်ခေါ် ကိုကျော်က တော့ ပါတယ်။ လင်းတို့ တစ်ခါ ကန်ကြတော့ စိုးမိုး တစ်ယောက် ကန်နေရင်းတန်းလန်းနဲ့ ထိုင်နေတဲ့ အမေ့နားကို သွားပြီးတော့ အန်တီ အန်တီ သားတော့ သေတော့မယ်အန်တီ ကယ်ပါဦး ဘာညာတွေ ပြောနေရော။ အမေလည်းပြာသွားတာပေါ့။ သားဘာဖြစ်လို့ တုန်းဆိုတော့မှ သား မျက်စိထဲမှာ ကမ္ဘာကြီး ချာချာ လည်နေတယ် အန်တီရယ် တဲ့.။ အဲ့ကြမှ အမေလည်း ပါလာတဲ့ သံပရာရည်လေးတိုက် ပြီးတော့ ဆေးခန်း ခေါ်သွားရရော။ ပြီးတော့ မှ အမေက သူ့ကို အိမ်ပြန်လိုက်ပို့ ပြီး ကျွန်တော်တို့ကို လာပြန်ပြောပြတော့ ရီလိုက်ရတာလေ။ သူက သွေးပေါင်ကျသွားတာတဲ့။ နောက်ပြီး အမေ့ကို တစ်လမ်းလုံး သူသာသေသွားရင် အန်တီ ကျွန်တော်ကျန်ခဲ့တဲ့ အကြွေးတွေ ဆပ်ပေးပါဆိုပြီး တောက်လျှောက်ပြောသွားတာတဲ့။ နောက်ပိုင်း လင်းတို့ သူ့နဲ့ လက်ဖက်ရည်ဆိုင်ထိုင် ရင် အဲ့ဒီအကြောင်းပြောပြော ပြီး ရယ်ကြတာ ဟားဟား... ငယ်ငယ်တုန်းက ပျော်စရာတွေပေါ့.....

ကိုလင်း